“Kemi shitur paketa deri në 2025”, operatori turistik: Jemi në panik

Muzeu Historik Kombëtar do të mbyllet për 4 vite. Institucioni më i rëndësishëm kulturor dhe një ndër destinacionet kryesore të një turisti që prek Tiranën do të ulë qepenin nga ky 15 mars deri në 15 mars in e vitit 2028.

Në llogarinë zyrtare në Facebook të Muzeut thuhet se arsye për mbylljen është rikonstruksioni, por pa dhënë sqarime të tjera.

Eksperti i turizmit Kliton Gërxhani tha në emisionin Review në Euronews Albania se mbyllja e Muzeut Kombëtar të Tiranës, ndërkohë që muzeu arkeologjik i Durrësit dhe ai Etnografik i Krujës gjithashtu prej disa vitesh qëndrojnë të mbyllur i shkakton një dëm shumë të madh turizmit kulturor.

Ai tregoi se turoperatorët kanë shitur paketa turistike deri në 2025 ku në turet që ata shesin muzeu kombëtar është A-ja për t’u vizituar.

“Më thoni një alternativë në Tiranë që e zëvendëson Muzeun Kombëtar. Turet tani na fillojmë, nuk dimë si tua shpjegojmë apo kompensojmë turistëve, është panik, të gjen të papërgatitur”, tha ai.

LEXONI GJITHASHTU:

• Gazetarja: Ja sa milionë euro do të kushtojë projekti për Muzeun Kombëtar
• Mbyllja e Muzeut Kombëtar, Isufi: Kemenaxhim, të informoheshin grupet e interesit