Këngëtarit të mirënjohur grek i akordohet në Gjirokastër “Çelësi i qytetit”

Këngëtari i mirënjohur grek Konstandinos Argjiros në fundjavë ka dhënë një koncert në qytetin e Gjirokastrës. Koncerti është organizuar në kalanë e gurtë duke tërhequr spektatorë të shumtë ndërsa pjesëmarrës kanë qenë edhe turistët që vizitojnë këto ditë Gjirokastrën.

Gjatë një ceremonie zyrtare kryetari i Bashkisë Flamur Golemi i ka dorëzuar këngëtarit të mirënjohur në mënyrë simbolike Çelësin e Qytetit.

Mes të tjerash kryebashkiaku Golemi vlerësoi koncertin e organizuar në Gjirokastër duke e cilësuar këngëtarin,  ambasador të Gjirokastrës dhe Shqipërisë në botë

“ E vlerësoj shumë këtë veprim për këtë qytet historik. ishte një nga koncertet më të mira që kam bërë ndonjëherë në një nga vendet më të bukura në kala. Dashurinë e njerëzve nuk kam fjalë për ta përshkruar më dhanë zemrën e tyre dhe unë sa herë që do mundem do të jape zemren time në Gjirokastër. Do të jap një falënderim të sinqertë për gjithë mikpritjen që më keni organizuar e vlerësoj dhe ju jap zemrën time” , u shpreh këngëtari.

Gjatë kësaj fundjave  në Gjirokastër u zhvilluan aktivitete të shumta kulturore të cilat tërhoqën edhe turistët vendas dhe të huaj.

LEXONI GJITHASHTU:

• U kapën duke transportuar ilegalisht emigrantë, 2 të arrestuar në Gjirokastër
• Përplasën për vdekje 60-vjeçarin me makinë, arrestohen dy persona në Gjirokastër