Kërkesa e SPAK, Berisha: Akti kundër meje frymëzim për opozitën, vijon beteja

Ish-kryeministri Sali Berisha, zhvilloi këtë të martë një konferencë për media, ku u ndal tek kërkesa e SPAK drejtuar Kuvendit për ashpërsimin e masës së sigurisë ndaj tij.

Berisha tha se nëse kërkesa për masë arresti do të vijë në Kuvend, ai do të votojë pro saj.

Më tej ai theksoi se ky akt kundër tij nuk do të ndalë opozitën e cila sipas tij do të vijojë betejën që ka nisur.

Berisha nënvizoi se akti kundër tij është frymëzim për opozitën.

“Vendimi i Kuvendit do të zbatohet nga Berisha sado që ky vendim i SKAP është i paligjshëm i bazuar në vendim të paligjshëm. Nëse Kuvendi pranon këtë vendim të paligjshëm, të bazuar në vendim kushtetutës të paligjshëm është përgjegjësia e tij. Unë do të  përputhem me vendimet e gjyqësorit. Përsa i përket opozitës asgjë nuk e ndalon betejën e tyre. Beteja do të zhvillohet në çdo skaj. Ata e shohin si përpjekje për të dëmtuar opozitën. Ky akt kundër meje është një frymëzim për opozitën. Në këtë kontekst  ndihem më i motivuar se kurrë”-tha Berisha.

LEXONI GJITHASHTU: 

• SPAK kërkoi masë arresti, Berisha: Unë mbrojta Parlamentin, ndaj refuzova gjykatën
• Rama: Kinemaja e Shkodrës, gati për transformim. Do i rikthejmë identitetin