Në Gjykatën e Elbasanit po mbahet që prej orës 10:00 seanca për shqyrtimin e kërkesës për lirim me kusht të Safet Gjicit, ish-kryetarit të Bashkisë së Kukësit, i cili aktualisht ndodhet në burgun e Kosovës së Lushnjës dhe është i shtruar në spitalin e burgut për shkak të gjendjes së tij shëndetësore.
Seancën e drejton gjyqtarja Suela Lika, ndërsa pala mbrojtëse e Safet Gjicit ka argumentuar se ai ka vuajtur tashmë një pjesë të konsiderueshme të dënimit, përfshirë periudhën e paraburgimit. Mbrojtja nënvizon gjithashtu se lirimi me kusht duhet të merret në konsideratë për shkak të gjendjes së tij të rënduar shëndetësore.
Gjici, u dënua me 4.5 vjet burg për korrupsion nga Gjykata e Apelit të Posaçëm, dhe pretendon se tashmë ka vuajtur tre të katërtat e dënimit. Ai u arrestua pas një video-skandali që e tregonte duke kryer akte seksuale me Alma Kaçin në zyrën e bashkisë. Ky skandal çoi në dorëheqjen dhe arrestimin e tij.
Gjici u akuzua fillimisht për abuzim me detyrën, por më pas Apeli ndryshoi akuzën në korrupsion, duke zgjatur dënimin e tij.
Gjykata pritet të vendosë nëse Gjici do të lirohet me kusht, ndërsa ai vazhdon të insistojë për pafajësi.
Pas skandalit, ish-kryebashkiaku i kërkoi falje familjes dhe qytetarëve të Kukësit.
LEXONI GJITHASHTU:
- Shtyhet seanca për Safet Gjicin, shkak mungesa e një anëtari të trupit gjykues
- Avokati i Safet Gjicit për Review: Është i pafajshëm, nuk ka patur projekt për qentë
