Në mes të reagimeve të shumta për ndarjen nga jeta të Kryepeshkopit të Kishës Orthodhokse Autoqefale të Shqipërisë, Anastas Janullatos, ka reaguar edhe Këshilli Ndërfetar i Shqipërisë.
Në një deklaratë, Këshilli Ndërfetar, Bordi i Presidencës (përfaqësuesit e të gjitha komuniteteve fetare H. Bujar Shpahiu, H. Dede Edmond Brahimaj, Pastor Ergest Biti), Kryetari i Këshillit për vitin 2025, Mons. Gjergj Meta, Bordi Ekzekutiv, Departamenti i Gruas dhe Departamenti i Rinisë shprehën ngushëllimet më të sinqerta për këtë humbje të madhe dhe solidarizoheshin me besimtarët dhe familjen e Kryepeshkopit.
Kryepeshkopi Anastas ishte një nga themeluesit e Këshillit Ndërfetar të Shqipërisë dhe ka kryer dy mandate si Kryetar i këtij Këshilli (2018-2020 dhe 2024).
Pushoftë në paqe!
LEXONI GJITHASHTU:
- A do jetë shqiptar? Teologu shpjegon procedurën e zgjedhjes së Kryepeshkopit të ri
- Kryetarja e Kuvendit mesazh ngushëllimi për vdekjen e Kryepeshkopit Janullatos