KFOR-i shton praninë në Jarinjë pas protestës së serbëve

KFOR-i ka shtuar praninë ushtarake në veri, pas tubimit të serbëve në kufirin ndërmjet Kosovës dhe Serbisë, Jarinjë.

Përmes një njoftimi, pas koordinimit me të gjitha palët, KFOR-i bëri të ditur shtuar praninë e saj në Jarinjë për arsye të sigurisë, pasi brenda protestuesve, mund të ketë grupe kriminale.

“Sot, pas koordinimit aktiv me të gjitha palët, Forca e Kosovës – KFOR-i , Komanda Rajonale e KFOR-it Lindje ka shtuar praninë e saj në Jarinjë për arsye parandaluese të sigurisë. Kjo rritje vjen si pasojë e prezencës së mundshme të grupeve të organizuara kriminale brenda protestuesve”, thuhej ndër të tjera në njoftim.

Ditën e djeshme, në anën serbe afër Jarinjës – pikëkalimit kufitar mes Kosovës dhe Serbisë u mbajt një protestë e thirrur nga grupe djathtiste serbe, si shenjë mbështetjeje ndaj barrikadave që kanë ngritur serbët lokalë në veri të Kosovës.

Protestuesit janë shpërndarë pasi Policia serbe u ka thënë se do të lirojë një person që ka arrestuar në protestë.

LEXONI GJITHASHTU

• Sveçla për protestën në Jarinjë: Episod i luftës hibride serbo-ruse ndaj Kosovës
• Përfundon protesta e të djathtëve serbë në Jarinje
• KFOR-i zbarkon në Jarinje pas protestës së serbëve, vendos tela me gjemba në kufi