Kiev, shpërthime vdekjeprurëse në natën e Vitit të Ri

Rusia lëshoi dhjetëra raketa në qytete anembanë Ukrainës, thanë zyrtarët, ndërsa raportohet për të paktën një viktimë.

Kryetari i bashkisë së Kievit, Vitali Klitschko tha se pati disa shpërthime në qytet, duke shkaktuar dëme të jashtëzakonshme.

Sulmet ndodhën dy ditë pasi Rusia kreu një nga sulmet më të mëdha ajrore që nga fillimi i luftës.

Presidenti i Ukrainës, Volodymyr Zelensky ka paralajmëruar se Rusia mund të nisë më shumë sulme për t’i bërë ukrainasit “të festojnë Vitin e Ri në errësirë”.

Disa zyrtarë të lartë ukrainas kanë aluduar për sulmet në postimet e mediave sociale, duke thënë se Rusia nuk do të ketë sukses të prishë festimet e tyre, shkruan KosovaPress.

LEXONI GJITHASHTU:

• Paralajmërimi i ministrit ukrainas: Rusia po përgatitet për mobilizim të ri ushtarak
• Ukraina mbetet pa energji, Rusia rrafshon infrastrukturën energjetike të 6 rajoneve