Kievi gati për të gjithë skenarët pas tensioneve në centralin bërthamor

Është dita e 169-të e luftës në Ukrainë. Gjatë ditës së kaluar, forcat ruse bombarduan Mykolaiv dhe Bakhmut, si dhe rajonin e Dnipropetrovsk, thanë autoritetet ukrainase.

Situata rreth termocentralit bërthamor Zaporizhia është ende e tensionuar. Ministrat e jashtëm të shtatë vendeve më të zhvilluara të botës (G7) i kërkuan Rusisë që menjëherë t’i dorëzojë Ukrainës kontrollin e centralit bërthamor më të madh në Evropë dhe Moska dërgoi një kërkesë për të mbajtur sot një takim të Këshillit të Sigurimit të OKB-së, ku do të diskutohej çështja e këtij centrali bërthamor ukrainas.

Eksportet e drithit nga Ukraina janë rritur, ndaj vlerësohet se marrëveshja për drithë e nënshkruar në Stamboll ka filluar të japë rezultate.

Ngjarjet kryesore:

• Letonia e ka shpallur Rusinë një shtet që mbështet terrorizmin
• G7: Veprimet ruse rrisin ndjeshëm rrezikun bërthamor
• Eksportet e grurit nga Ukraina u rritën, marrëveshja e drithit nga Stambolli po jep rezultate
• Të paktën shtatë persona vdiqën në sulmin rus në Bakhmut, Mykolaiv u granatua
• Kreditorët e Ukrainës ranë dakord për një ngrirje dyvjeçare të borxhit
• Perëndimi premtoi 1.5 miliardë euro ndihmë ushtarake për Kievin
• Guterres bën thirrje për t’i dhënë fund aktiviteteve rreth termocentralit në Zaporizhia

LEXONI GJITHASHTU:

• Punëtorët në centralin e Zaporizhias: Jemi nën kërcënimin e armëve nga rusët