Kikia: Kam takuar biznesmenë që janë gjobitur dhe shantazhuar nga partitë

Gazetari Mentor Kikia e sheh mosdeklarimin e të ardhurave nga partitë politike si burimin kryesor të korrupsionit. Sipas tij, partitë janë ndërmarrjet më të zeza që qarkullojnë miliona euro të marra në mënyrë të ligjshme dhe paligjshme.

“Aty paracaktohen tenderët dhe koncesionet. Ai që jep para në fushatë nesër i merr në formë tenderësh. Nëse nuk vihen nën kontroll shpensimzet e partive nuk zhduket korrupsioni”, tha Kikia.

Mungesa e informacionit për donacionet nga ana e partive sipas gazetarit, i vë bizneset përballë shantazhit nga të dyja palët.

“Kam takuat biznesmenë këtë verë të cilët ishin viktima të këtij shantazhi, partitë kanë shndërruar në banda”, u shpreh gazetari.