Kinema verore në Durrës, në shkallët e sfinksit qytetarët shijojnë magjinë e filmave

Qytetit që deri në fillim të viteve ’90 i gëzohej 2 kinemave verore, i rikthehet magjia e tyre.

Pas më shumë se 3 dekadash, në shkallët e Sfinksit në Durrës u instalua një kinema në ambient të hapur.

Detajet i dha iniciatori, Anaid Kaloti.

“Kam përshtypjen se  i mungonte një kënd artistik qytetit dhe kjo është  një gjë e mirë që i kemi bërë qytetit . për fëmijët është pa pagesë. Do të jenë dy filma në natë”- tha ai.

Më entuziastët ishin pa diskutim fëmijët dhe prindërit e tyre.

 “Për fëmijët duhet më shumë, se janë më të vegjël, knaqen, gëzohen. Dhe mosha e tretë kanë nevojë të shohin”- tha një grua.

“Unë sot kam nevojë të shoh kinema verore”- tha i mituri.

“Durrësi ka nevojë më shumë për aktivitete të tilla, pra rreth artit apo gjera të tjera”- tha një grua tjetër.

Për moshën e tretë, nostalgjia për të rikthyer në kujtesë vitet e dikurshme, ndërthurej me dëshirën për të tjera ngjarje kulturore në qytet.

“E munguar është, duhej të bëhej më parë. Na jep më shumë kënaqësi.

“E kemi nostalgji”- u shprehën të moshuarit.

Mbrëmja e së dielës ishte e para që adhuruesit e kinemasë shijuan nën qiellin e hapur të këtij mes korriku dhe nuk munguan as turistët, që këto ditë popullojnë hapësirat publike të qytetit bregdetar.

LEXONI GJITHASHTU: 

• Paralajmërimi i fortë i shkencëtarit: Vera më e freskët për sa jetë ju ka ngelur
• Temperaturat e larta sjellin problemet shëndetësore, ndihma e shpejtë në Tiranë