“Kini kujdes”, Ylli: Sportisti e merr dopingun nga padituria, edhe me një shishe ujë

Kreu i  Komitetit Olimpik Kombëtar Shqiptar Fidel Ylli tha se sportistët duhet të kenë kujdes nga çdo gjë, pasi mund t’u rrezikohet jeta dhe karriera.

Në një intervistë për emisionin ‘Good Morning Albanians’ në Euronews Albania, ai theksoi se dopingu shkatërron jetën e të rinjve.

Më tej ai nënvizoi se sportistët mund ta marrin dopingun në ushqim apo në një shishe ujë.

“Dopingu shkatërron jetën e të rinjve. Ne duam sport të pastër pa doping. Po ka sportistë që dikush e merr nga padituria, dikush merr një shishe ujë gjatë garës. Kur një peshëngritës, Briken Calja, duhet të jetë në garë duhet të ketë 3 deri në katër veta që ta shoqërojnë. Duhet të kesh shumë kujdes, edhe gjatë ushqimit. Duhet të ruhesh nga kundërshtarët, nga xhelozitë”- tha ai.

LEXONI GJITHASHTU: 

• Peshëngritësja 15-vjeçare shqiptare fiton 3 medalje ari në kampionatin për të rinj
• Aksident në Tiranë, makina përplas motorin, 2 të rinj përfundojnë në spital