Kishin kultivuar dhjetëra bimë kanabisi pranë banesës, arrestohen babë e bir

Babë e bir janë arrestuar nga policia e Fierit pasi kultivuan bimë narkotike kanabis sativa, në afërsi të banesës së tyre në Patos. Përmes një komunikate zyrtare policia bën me dije se 250 bimët narkotike të gjetura janë asgjësuar përmes djegies.

Bimët u gjetën të mbjella në një sipërfaqe toke pas banesës së shtetasit A. G., 42 vjeç.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

“Në përfundim të vprimeve procedurale, specialistët për Hetimin e Krimeve të Komisariatit të Policisë Fier arrestuan në flagrancë shtetasit A. G., 42 vjeç dhe A. G., 22 vjeç (babë e bir), banues  në Belinë, Patos, për veprën penale “Kultivimi i bimëve narkotike”, kryer në bashkëpunim”, njofton policia.

LEXONI GJITHASHTU:

• Mashtrime mbi 1 milion e 300 mijë €/ 2 shqiptarë të arrestuar, 3 italianë në kërkim
• Balla në Portin e Durrësit: Të presim me respekt të gjithë ata që kalojnë këtu