Kishte fshehur 2 kg heroinë në makinë, arrestohet shqiptari në Greqi

Një shqiptar është arrestuar nga policia greke, pasi u kap në makinë me 2 kg heroinë. Pas një operacioni policor jashtë Volosit, policia arrestoi një 40-vjeçar, i cili kishte fshehur në kroskotin e makinës katër pako me drogë.

Bëhet fjalë për një shqiptar, i cili akuzohet të jetë pjesëtar i një rrjeti të trafikut të drogës.

Gjithashtu policia sekuestroi edhe një pako të pestë me 51 gramë kokainë. Sipas burimeve shqiptari i arrestuar e kishte marrë lëndën narkotike nga Athina, me qëllim transportimin e tyre në Volos dhe Selanik.

Policia duket se ka pasur informacion për itinerarin dhe mbrëmjen e djeshme mjeti me drejtuesin 40-vjeçar është përballur me policinë në Neë Pagasse, Magnezi.

LEXONI GJITHASHTU: 

• Pritet të nisë gjyqi për vulën e PD, mbështetësit e Berishës në Gjykatë
• Gazetari i Euronews nga Greqia: 56 të zhdukur nga aksidenti, mes tyre 4 shqiptarë