Kishte humbur kontaktet me familjarët, gjendet e mbytur 26-vjeçarja në Kukës

Një ngjarje e rëndë është regjistruar këtë të mërkurë në fshatin Orgjost të Kukësit, ku një 26-vjeçare është gjetur e pajetë në kanalin e hidrocentralit të zonës.

Policia njofton se viktima është shtetasja M.O., 26 vjeçe, banuese në fshatin Kosharisht. Familjarët kishin bërë kallëzim në Komisariatin e Policisë Kukës pasditen e datës 16 dhjetor, për largimin e saj nga banesa dhe humbjen e kontakteve.

Nga këqyrja paraprake e trupit të viktimës nga eksperti mjekoligjor, nuk janë konstatuar shenja dhune apo dëmtime të tjera. Hetimet e deritanishme sugjerojnë se 26-vjeçarja është vetëmbytur.

Policia po vijon hetimet për zbardhjen e plotë të rrethanave të ngjarjes, ndërsa materialet procedurale i kanë kaluar Prokurorisë së Kukësit për veprime të mëtejshme ligjore.

LEXONI GJITHASHTU:

• Aksident në Sauk, plagoset mjeku dhe një vajzë, kaos në trafik
• U aksidentua te rrethrrotullimi i Saukut, humb jetën mjeku 40-vjeçar