Kishte kthyer lokalin në pikë për shitjen e kokainës, arrestohet biznesmeni në Vlorë

Një 48-vjeçar është arrestuar në Vlorë pasi gjatë kontrollit të zhvilluar në ambientet lokalit në pronësi të tij, në rrugën “Demokracia” u gjet një sasi kokaine e gatshme për t’u shpërndarë në doza të vogla. Policia e Vlorës bëri të ditur se gjatë kontrollit personal dhe në ambientet e lokalit, u sekuestruan gjithsej 55 doza kokaine dhe 10 fishekë luftarakë.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit luftarak”.

“Seksioni për Hetimin e Narkotikëve në DVP Vlorë, në kuadër të veprimeve operacionale për parandalimin dhe goditjen e veprimtarive kriminale në fushën e narkotikëve, pas administrimit të informacioneve të siguruara nga inteligjenca policore, organizoi dhe kreu kontroll në një lokal bar-kafe në rrugën “Demokracia”, Vlorë, në posedim të një shtetasi që dyshohej për shpërndarje të lëndëve narkotike. Si rezultat u kap dhe u arrestua në flagrancë shtetasi L. T, 48 vjeç, banues në lagjen “Osman Haxhiu”, Vlorë”, thuhet në njoftimin e policisë.

LEXONI GJITHASHTU:

• Kanosën të miturën me publikimin e fotos personale në rrjete sociale, 3 të arrestuar
• Posedonte armë zjarri në banesën e tij, arrestohet 47 vjeçari në Delvinë