Kishte mbushur furgonin e mallrave me emigrantë të paligjshëm, arrestohet 32-vjeçari

Një 32 vjeçar, banues në Tiranë, u arrestua mëngjesin e të premtes nga policia e Gjirokastrës, në vendin e quajtur “Ura e Dragotit”, pasi po transportonte emigrant të paligjshëm.

Në furgonin e drejtuar prej tij u gjetën 30 shtetas nga Vendet e Treta, të cilët ai po i transportonte në drejtim të Shkodrës, kundrejt pagesës, me qëllim që të kalonin ilegalisht kufirin.

Policia po punon për identifikimin dhe arrestimin e bashkëpunëtorit të shtetasit D. H., i cili dyshohet se mbikëqyrte rrugën ku kalonte furgoni, me qëllim shmangien e shërbimeve të Policisë.

Në cilësinë e provës materiale janë sekuestruar 2 automjete.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër.