Klasikja i takon Bayern-it, mposhti Dortmund-in në shtëpi 2-1, kryeson kampionatin

Bayern absolut në ligë, mposht Dortmundin në klasiken e Gjermanisë. Der Klasiker e Gjermanisë është fituar nga Bajerni i Mynihut i cili kryeson me pikë të plota kampionatin. Dueli i së shtunës përfundoi në shifrat 2-1.

Klasikja e futbollit gjerman nuk pati surpriza, aty favoritët nga Mynihu triumfuan përballë verdhezinjve të Dortmundit dhe blindojnë kështu vendin e parë. Me pikë të plota pas 7 ndeshjeve të luajtura, Bayern Munchen është padyshim pretendenti kryesor për fitimin e titullit kampion, ndërsa e sheh veten ++5 nga vend ii dytë që mbahet nga Leipzig. Në Allianz Arena, ekipi i Vincent Kompany luajti më mirë se kundërshtari edhe pse ishte në vështirësi kryesisht në minutat e fundit, ku rrezikoi të barazohet nga kundërshtari.

I përhershmi Harry Kane realizoi golin e parë të sfidës, pas një topi të krosuar saktë nga Kimmich në një goditje dënimi. Avantazh minimal për bavarezët në fraksionin e parë, por dyfishuan në të dytin me Olise, pas një hezitimi për të larguar topin nga mesfushori Bellingham.

Dortmund reagoi 6 minuta para fundit ku gjeti golin me Julian Brandt, por vetëm aq pasi verdhezintjë e patën të pamundur të shënojnë sërish, duke bërë që kampionët e Gjermanisë të marrin 3 pikët e radhës. 21 pikë në 7 javë, me 27 gola të shënuar dhe 4 të pësuar e bëjnë Bayernin mbrojtjen dhe sulmin më të mirë të Gjermanisë.

LEXONI GJITHASHTU;

• Si tentoi Bayern Munich të “rrëmbejë” Lamine Yamal nga Barcelona
• Gjigantët europianë e nisin me fitore, Bayern, PSG dhe Inter bindin në sfidat e para