KLP vendos të hënën mbi fatin e Ballës, KPA e la për 15 vite larg drejtësisë

Kolegji i Posaçëm i Apelimit ka marrë këtë të martë vendimin për shkarkimin e kreut të Këshillit të Lartë të Prokurorëve, Alfred Balla.

Për 15 vitët e ardhshëm Alfred Balla nuk do mund të kandidojë për prokuror apo gjyqtar apo për funksione te tjera në sistemin e drejtësisë. Vendimi i Kolegjit të Posaçëm të Apelimit prishi vendimin e KPK, për të cilën ushtroi ankim komisioneri publik.

Ndërkohë ditën e hënë, më 27 maj, Këshilli i Lartë i Prokurorisë do të organizojë një mbledhje ku do të vendosë për fatin e kryetarit Alfred Balla.

Përmes një njoftimi të KLP, bëhet me dije se në këtë mbledhje do të diskutohet mbi ndikimin ose jo të vendimit të KPA mbi statutin e anëtarit të KLP.

KËSHILLI I LARTË I PROKURORISË

NJOFTIM

PËR MBLEDHJE PLENARE

27 Maj 2024

Informacion mbi mbledhjen:

Dita/Data:                                                           E hënë 27.05.2024

Ora:                                                                       11.00

Kohëzgjatja:                                                       ⸟ 60 min

Thirrur nga:                                                       Kryetari i Këshillit

Pjesëmarrësit:                                  Anëtarët

Kuorumi i nevojshëm:                   7 anëtarë

Kjo mbledhje do të organizohet në sallën e mbledhjeve të Këshillit, në prezencë të Anëtarëve të Këshillit të Lartë të Prokurorisë, si dhe të ftuar përfaqësues nga Ministria e Drejtësisë, Prokurori i Përgjithshëm dhe Programet EU4JUSTICE dhe OPDAT. Media si gjithmonë është e ftuar të jetë e pranishme.

Rendi i ditës:

1.Diskutimi i ndikimit ose jo të vendimit Nr.23, datë 21.05.2024 të Kolegjit të Posaçëm të Apelimit mbi statusin e anëtarit të KLP-së, të zgjedhur nga Parlamenti si pjesë e Shoqërisë Civile Shqiptare, zotit Alfred Balla.

Urdhërohet sektori i dokumentimit të seancave të bëj publikimin e kësaj axhende në faqen ëeb të Këshillit.

Njoftohen të gjithë anëtarët e Këshillit për të siguruar pjesëmarrjen

Kryetar

Alfred Balla

LEXONI GJITHASHTU:

• KPA merr vendimin për kreun e KLP, Alfred Balla 15 vite larg drejtësisë
• Alfred Balla, kryetar i ri i KLP-së