Klubet e Librit të Hollivudit, të famshmit e artit që përqafojnë fjalën e shkruar

Shumë yje të Hollivudit rekomandojnë për miliona ndjekësit e tyre leximin e librave duke publikuar një listë me rekomandime. Pjesë e kësaj nisme është bërë dhe këngëtarja me famë ndërkombëtare, Dua Lipa.

Një numër në rritje i yjeve të Hollivudit dhe ikonave të pop-it po i drejtohen fjalës së shkruar si për kënaqësi ashtu edhe për vetë-përmirësim. Në një botë ku mediat sociale dhe tapetet e kuq shpesh vjedhin vëmendjen, disa nga të famshmit tanë të preferuar promovojnë një qasje më intelektuale, leximin e librave

Listës së Oprah Winfrey, Emma Roberts, Reese Ëitherspoon, Jimmy Fallon, Natalie Portman dhe shumë të tjerë i është bashkuar edhe ylli shqiptar me famë ndërkombëtare Dua Lipa. Në fillim të këtij viti, Dua hapi një klub librash përmes platformës së saj editoriale dhe nuk harron të na tregojë cdo muaj zgjedhjen e saj.

Në Tetorin e Librit zgjedhja e saj ishte “100 vjet vetmi” nga Gabriel Garcia Marquez.

Gjatë rrugës, e gjeta veten duke reflektuar mbi dashurinë dhe luftën, lidhjet familjare, pasojat e modernitetit dhe, natyrisht, kuptimet e shumta të vetmisë. Është i parezistueshëm thotë Lipa.

Sugjerime të tjera të këngëtares përfshijnë “Pachinko” nga Min Jin Lee, “Shuggie Bain” nga Douglas Stuart, “Half Of A Yelloë Sun” e të tjerë.

Këta të famshëm janë vetëm disa shembuj të shumë atyre që po rindërtojnë imazhin e Hollivudit duke përqafuar fuqinë e letërsisë. Në një botë ku shkëlqimi shpesh e lë në hije intelektin, këta yje na kujtojnë se një libër i mirë mund të jetë luksi i fundit, pavarësisht se kush jeni.

LEXONI GJITHASHTU: 

• BE debate për emigracionin, Hungaria dhe Polonia: S’do ta pranojmë kurrë reformën
• Censi drejt mbylljes në Pustec/ Sa % e të anketuarve deklarohen me shtetësi bullgare