Katër ditë pasi KAS ka hedhur poshtë pretendimet e koalicionit opozitar “Bashkë Fitojmë” lidhur me rezultatin zgjedhor të Himarës, sot ky grupim ka ankimuar këtë vendim në Kolegjin Zgjedhor .

Përmes këtij anikimi koalicioni opozitar kërkon rrëzimin e vendimit të KAS lidhur me pretendimin e tyre, si dhe shpalljen e pavlefshmërisë së zgjedhjeve të zhvilluara në Himarë.

Krahas këtyre dy pikave, në pikën e tretë të anbkimimit kërkohet edhe shpallja e përsëritjes së zgjedhjeve në zonën e Himarës.

Kujtojmë që pretendimet e koalicionit opozitar “Bashkë Fitojmë” u hodhën poshtë në datë 26 gusht, nga trupa e KAS-it që nuk pa të provoheshin pretendimet e ngritura në kërkesën e datës 9 gusht, 5 ditë pas procesit zgjedhor në Himarë.

Opozita kërkoi shpalljen të pavlefshme të zgjedhjeve në Himarë, pasi sipas saj rreth 6000 mijë qytetarë nuk votuan dot për shkak të kartave të skaduara, ndërsa 300 votues të rinj iu shtuan bashkisë së Himarë për këto zgjedhje.

 LEXONI GJITHASHTU:

• PD kërkesë për interpelancë urgjente me kryeministrin Rama për mbetjet toksike
• Partia Demokratike kallëzon në SPAK ministrin e ri të Mbrojtjes