Ministrja e Shëndetësisë dhe Mbrojtjes Sociale, Albana Koçiu e ka nisur ditën me fëmijët e shtëpisë së Fëmijës “Zyber Hallulli” duke ju uruar për një vit sa më të mbarë shkollor.

Ajo ka shoqëruar për në shkollën “Osman Myderizi” Anjezën dhe Muhametin të cilët ulen për herë të parë në bankat e shkollës.

Gjatë vizitës në shkollës “Osman Myderizi”, ministrja Koçiu ka uruar gjithashtu të gjithë nxënësit, mësuesit dhe prindërit për një vit sa më të suksesshëm.

Edhe gjatë këtij viti të ri shkollor, të gjithë fëmijët do mund të përfitojnë nga Programet Kombëtare të MSHMS-së, për depistimin e shikimit dhe të kujdesit dentar ku deri tani kanë përfituar 600 642 fëmijë.

Qeveria ka mundësuar rreth 3,500 bursa për mbështetjen e nxënësve me nevoja të veçanta sociale dhe ekonomike, nxënës në nevojë nga komunitetet rome dhe egjiptiane.

Gjatë këtij viti arsimor, 850 psikologë dhe punonjës socialë do të ofrojnë këshillim psikologjik dhe përkujdesje sociale në shkollat e vendit.

LEXONI GJITHASHTU:

• Gruaja e dytë më e votuar në Kryesi, ministrja Koçiu: PS drejt mandatit të katërt
• Shërbimi për fëmjët e dhunuar, Koçiu: Veç qendrës në Fier, do kemi edhe të tjera