Koçolja dhe Sulovari dyshohet se janë groposur në Vrinë, nisin kërkimet private

Leonard Thodhori i njohur si Koçolja dhe Fatmir Sulovari alias Fatmir Krasniqi dyshohet se janë ekzekutuar. Sipas informacioneve paraprake trupat e tyre mund të jenë groposur në fshatin Vrinë, Konispol.

Që në të gdhirë të së dielës, rreth 50 familjarë te Fatmir Sulovarit kanë dalë për të kontrolluar zonën.

Por kush janë ata?

Leonard Thodhori, i njohur si “Koçole” ka qenë i dënuar disa herë. I dyshuar si pjesëmarrës në Masakrën e Qafë-Gjashtës në vitin 1997, ku u vra oficeri i policisë Gjergj Mehmeti. Në vitin 2003 ka qenë prezent në automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallëzim krimi” lidhur me një ngjarje tjetër të kryer nga Gjini. I arrestuar më pas për “vjedhje” e “mashtrim”. Përdorues i lëndëve narkotike dhe i dyshuar si i përfshirë në trafik lëndësh narkotike.

Fatmir Sulovari alias Fatmir Krasniqi, 46 vjeç, i dënuar më parë për “armëmbajtje pa leje” dhe “plagosje e lehtë me dashje”. I arrestuar në prill 2022 në Lushnje, pasi në mjetin e tij “BMW” X5 u gjet një sasi cannabis sativa e ndarë në doza gati për shitje.

LEXONI GJITHASHTU:

• EMRAT| Zhduken pa lënë gjurmë pjesëmarrësit në masakrën e Qafë Gjashtës
• Balluku inspekton punimet në Elbasan-Qafë Thanë: Korridorit i 8-të prioritet