Koka zbulon “bastin më të madh publik të Ramës që kur i është futur politikës…”

Gazetari Bedian Koka tha në emisioni Now në Euronews Albania se reagimi i sotëm i kryeministrit Edi Rama për çështjen ‘Xibraka’, ku Gazment Bardhi akuzon vëllanë e kryeministrit si të përfshirë, tregon se hetimet për të kanë shkuar më tej.

Sipas tij, Rama ka vënë sot basti e tij publik më të madh që kur është futur në politikë pasi është hera e parë që ai flet për dorëheqje.

“Sot Rama ka pranuar se i vëllai është në hetim. Zhvillimi i sotëm tregon se hetimi për vëllanë e Ramës ka shkuar shumë më tej. Rama ka vënë sot bastin e tij më të madh publik që kur është futur në politikë, nuk e kam dëgjuar kurrë të flasë për dorëheqje. Fakti që sot e ka bërë do të thotë që kjo është një çështje serioze që mesa duket i ka dalë jashtë kontrollit. Kjo çështje nuk ka nisur nga SPAK, por nga informacioni që Bardhi mori nga shërbimet inteligjente të partnerëve tanë dhe ky reagim i sotëm është avancim i këtyre hetimeve”, tha Koka.