“Kokaina pihet më shumë në darkë” – Mjeku toksikolog sqaron arsyet

Brazili, konsumatori i dytë më i madh në botë i kokainës, ka njoftuar zhvillimin e një trajtimi të ri inovativ për varësinë nga droga e shtrenjtë dhe derivati i tij i fuqishëm, crack: një vaksinë.

Siç raportohet nga Agence France-Presse (AFD), me emrin “Calixcoca”, vaksina eksperimentale kishte rezultate veçanërisht inkurajuese në testet e kryera në kafshë laboratorike.

Mjeku toksikolog Alert Drishti tregoi në emisionin GoodMorning Albanians në Euronews Albania se kokaina pihet më shumë në darkë në rastin e atyre njerëzve që e konsumojnë në mënyrë spontante. Nga ana tjetër, ata që kanë varësi nuk kanë orar në konsumimin e kësaj droge të fortë.

“Personat që kanë krijuar varësi nuk kanë përgjithësisht orare, oraret e darkës janë tek ata që janë spontanë në përdorim. Por edhe ky grup nëse i ka të shpeshta, me kalimin e kohës edhe kjo kategori fiton varësi. Nga ana tjetër i varuri nuk ka orar në konsumimin e kokainës”, shpjegoi mjeku.