Kolegji zgjedhor rrëzon padinë e “Bashkë Fitojmë” për zgjedhjet në Himarë

Kolegji zgjedhor ka rrëzuar padinë e palës paditëse Koalicioni “Bashkë Fitojmë” dhe Partia “Bashkimi për të Drejtat e Njeriut” për zgjedhjet në bashkinë Himarë.

Pas këtij vendimi i hapet rruga që KQZ t’i japë mandatin e fituar me 4 gusht Vangjel Tavos.

Pas vendimit të KQZ, Tavo bën betimin para këshillit bashkiak.

Më 30 gusht katër ditë pasi KAS hodhi poshtë pretendimet e koalicionit opozitar “Bashkë Fitojmë” lidhur me rezultatin zgjedhor të Himarës, ky grupim ankimoi këtë vendim në Kolegjin Zgjedhor.

Përmes këtij ankimimi koalicioni opozitar kërkonte rrëzimin e vendimit të KAS lidhur me pretendimin e tyre, si dhe shpalljen e pavlefshmërisë së zgjedhjeve të zhvilluara në Himarë.

Krahas këtyre dy pikave, në pikën e tretë të ankimimit kërkohej edhe shpallja e përsëritjes së zgjedhjeve në zonën e Himarës.

LEXONI GJITHASHTU:

• Lirimi i Belerit nga burgu, Petro Gjikuria: Një ditë që do të festohet në Himarë
• Beleri pas daljes nga burgu: Nëse Strasburg më jep pafajësinë, rikandidoj në Himarë