Kombëtarja në ligën B, Beqiri: Skuadra ka fituar disa lojtarë të rinj, Reja duhet të vazhdojë punën

Vendi i parë në grupin e katër të ligës së kombeve ishte një rezultat pozitiv për kombëtaren, por me sa duket skuadra ka akoma shumë punë për të bërë.

Ish-futbollisti i përfaqësueses Edvin Beqiri në një lidhje për Euronews Albania u shpreh se ekipi ka probleme në repartin e mbrojtjes që duhen rregulluar patjetër. Megjithatë sipas tij gjatë kësaj faze skuadra ka fituar disa lojtarë të rëndësishëm.

“Përveç objektivit që ishte vendi i parë në grup realizuan edhe një tjetër objektiv që ishte afirmimi i elementeve te rinj nuk janë pak janë 6-7 lojtar që do i shërbejnë shumë skuadrës në të ardhmen”, u shpreh Beqiri.

Sipas tij, trajneri Edoardo Reja ka bërë një punë të mirë me skuadrën dhe meriton të vazhdojë rrugëtimin e tij në krye të përfaqësueses sonë.

“Mendoj që trajneri Reja duhet te vazhdojë projektin e tij mendoj që duhet ta lenë të vazhdojë dhe ta realizoi. Do kohën e vet dhe shpresojmë që të jetë efikas dhe i dobishëm për kombëtaren tonë”, tha ai më tej.

Tashmë kombëtarja duhet të përgatitet për kualifikueset e kampionatit botëror të vitit 2022.

Lexoni gjithashtu:

Shqipëria fiton ndaj Bjellorusisë, merr kryesimin e grupit në Ligën e Kombeve