Komedia turke ‘Pas Zeros’, bashkëpunimi me aktorët shqiptarë mbushi teatrin e Korçës

Rrjetet sociale, marrëdhëniet e shtirura me njerëzit, falsiteti dhe gënjeshtrat janë sjellë në formë komike në shfaqjen e dhënë në teatrin e Korçës.

“Pas Zeros” është vepra turke e cila u soll në shqip nën regjinë e regjisorit turk Ali Volkan Centikaya.

Peshën e aktorit kryesor e ka mbajtur Amos Zaharia të cilin e ka shoqëruar edhe aktorja Desara Xhangolli, një dyshe të cilët përmes komedisë I dhanë edhe mesazhe publikut artdashës korçar.

“Është ndërthurja e zhanerit të komedisë me dramën ajo që e bën veprën të funksionojë dhe besoj se është magnet sepse e qeshura e tërheq publikun, vjen duke qeshur dhe ikën duke menduar. 00:37 personazhi në vetvete ka disa thyerje, njëherë je duke qeshur pastaj në moment kalon në tjetër dimension. Mesazhi i veprës është se duhet të jemi pak më të sinqertë me njeri tjetrin “– thotë Amos Zaharia.

“Besoj u prit shumë mirë, reagimi që përqafuan gjithë personazhet. Ka një sërë mesazhesh në fakt por ai që është më i rëndësishmi në kohën që jetojmë është mungesa e sinqeritetin dhe maska që ne vendosim “– shprehet Desara Xhangolli.

Për regjisorin turk i cili e pati për herë të parë vendosjen e një shfaqje në teatër shqiptar, misioni u arrit, pasi në të dyja netët salla ka qenë plot.

“Ishte hera ime e parë që vija në Shqipëri, as si turist nuk kisha ardhur dhe po largohem i lumtur sepse në të dyja netët salla ka qenë plot me njerëz. Zakonisht vetëm në premierë ka entuziazëm por kjo shfaqje ishte ndryshe. Po iki i lumtur sepse bëra shqiptarët të qeshnin dhe të mendonin njëkohësisht, do të rikthehem përsëri në këtë vend nëse më thërrasin”- thekson Ali Volkan, regjisor.

Gjatë muajit Dhjetor do të jenë mbi 15 shfaqje që do të luhen në teatrin e qytetit, në kuadrin e festave të fundvitit.

LEXONI GJITHASHTU: 

• ‘Kemi ADN-në e Real Madridit’, Modriç: Do japim gjithçka në sfidën ndaj Argjentinës
• 90 km për një seancë, 55-vjeçarja nga Berati udhëton dy herë në muaj drejt Tiranës
• Zekthi për herë të parë tregon prapaskenat se si u zgjodh Kraja drejtues i SPAK