Komisioni i Ligjeve të martën shqyrton firmat e 7 kandidatëve për Avokat Populli

Komisioni për Çështjet Ligjore dhe Administratën Publike të martën do të zhvillojë një takim në orën 11:00. Mësohet se Komisioni i Ligjeve do të shqyrtojë firmat e 7 kandidatëve për Avokat Populli. Pas shqyrtimit do të kalojë të enjten për votim në seancë plenare.

“Miratimi i procesverbaleve të datës 24 Tetor (pjesa e parë, e dytë dhe e tretë) dhe të datës 28 Tetor (pjesa e parë dhe e dytë).

Shqyrtimi i plotësimit të kushteve ligjore për kandidatët që kanë marrë mbështetjen me jo më pak se 28 firma për vendin vakant të Avokatit të Popullit.

Shqyrtimi i projektligjit “Për një shtesë në ligjin nr.92/2014, “Për tatimin e vlerës së shtuar në Republikën e Shqipërisë, të ndryshuar”, thuhet ndër të tjera në axhendën e Komisionit.

Shtatë kandidatë kanë arritur të sigurojnë firmat e nevojshme për të vazhduar në fazën e ardhshme të procesit për postin e Avokatit të Popullit. Kandidatët janë:

1. Endri Shabani

2. Jola Hysaj

3. Adriana Kalaja

4. Besim Ndregjoni

5. Aranita Brahaj

6. Tartar Bazaj

7. Skender Haluca

LEXONI GJITHASHTU:

• Peskov: Do të vazhdojmë të luftojmë nëse Kievi refuzon kushtet tona për paqe
• Administrata Trump: Evropa po përballet me “zhdukje të qytetërimit”