Kompania ukrainase planifikon të rindërtojë avionin më të madh në botë 

Një Antonov AN-225 u granatua në shkurt ndërsa ishte i vendosur në bazën në Hostomel, jo shumë larg Kievit.

“Ëndrra nuk do të vdesë kurrë”, tha linja ajrore pas sulmit dhe duket se do ta përmbushë këtë premtim.

Antonov njoftoi se tashmë janë duke u zhvilluar planet për rindërtim. I mbiquajtur “Mriya” – “ëndërr” në gjuhën ukrainase – avioni u ndërtua në vitet 1980 për të transportuar anijen kozmike sovjetike.

Ky avion kishte rreth dyfishin e kapacitetit të Boeing 747, i shtrirë në 84 metra dhe kishte hapësirën më të gjatë të krahëve të çdo avioni operacional. Deri më sot, ai është avioni më i rëndë i ndërtuar ndonjëherë, sipas CNN.

LEXONI GJITHASHTU:

• Valë raketash mbi Ukrainë, Kievi pa energji
• Zelensky: Ukrainasit do t’i mbijetojnë sulmeve të rusëve