“Komplot” kundër Trump? Xi Jinping do të vizitojë Rusinë në vitin 2025

Presidenti kinez, Xi Jinping, do të vizitojë Rusinë në vitin 2025, ka njoftuar ambasadori rus në Pekin, Igor Morgulov.

Ambasadori ka deklaruar se planet për këtë vizitë janë aktualisht duke u hartuar, megjithatë Ministria e Jashtme e Kinës ende nuk ka dhënë një konfirmim zyrtar për datën.

“Sa i përket ngjarjeve konkrete dypalëshe, mund të them se planet janë duke u përgatitur me intensitet,” tha Morgulov për agjencinë e lajmeve RIA.

Vizita e Xi Jinping në Rusi vjen pas një periudhe të ngjeshur të bashkëpunimit mes dy vendeve. Presidenti kinez vizitoi Rusinë edhe në tetor të vitit 2023, kur mori pjesë në samitin e BRICS.

Po ashtu, presidenti rus, Vladimir Putin, ka vizituar Kinën në shkurt të vitit 2022, pak ditë para nisjes së pushtimit të Ukrainës, ku shpalli një partneritet “pa kufij” mes dy vendeve. Në maj të këtij viti, Putin ishte gjithashtu në Pekin, ku nënvizoi një “epokë të re” të marrëdhënieve ndërmjet dy shteteve, të cilat janë gjithnjë e më shumë të orientuara kundër politikave amerikane.

Vizita e Xi Jinping në Rusi planifikiohet në një kohë kur në Shtëpinë e Bardhë pritet të marrë drejtimin Donald Trump, i cili në politikën e tij të jashtme ka si qëllim dobësimin e Kinës.

LEXONI GJITHASHTU:

• Putin: Rusia gati për negociata, por marrëveshja të mos firmoset nga Zelensky
• Putin: Duhet të kisha pushtuar Ukrainën më herët