Koncerti i Rita Orës, strategji marketingu për këngëtaren me famë botërore?

Gazetari Nini Feshti, është shprehur se koncerti i zhvilluar mbrëmë në Tiranë ku këndoi këngëtarja me famë botërore Rita Ora, ishte një strategji marketingu e kësaj të fundit.

Në emisionin “Good Morning Albanians” në Euronews Albania, gazetari tha koncerti nuk kishte vend për kritika, ndërsa theksoi se edhe nëse biletat nuk do ishin falas do të kishte pjesëmarrje të lartë.

“Rita Ora 2 vitet e fundit ka qenë në një tur për të rehabilituar  imazhin e saj si pasojë e famës së keqe që mori gjatë periudhës së Covid-19. Ky koncert ishte strategji për marketing. Ishte një koncert I mirë organizuar dhe nuk kishte lënë shumë vend për kritika.

Fakti që koncerti ishte falas, është një shtysë shumë e madhe për tejmbushjen e sheshit, por edhe nëse do kishte bileta për t’u paguar, njerëz do kishte. “- tha ai.

Këngëtarja Rita Ora, mbrëmjen e djeshme me performancën e saj elektrizoi kryqyetin. Në koncertin që nisi në orën 20:00, morën pjesë dhe këngëtarë shqiptarë, mes tyre Ronela Hajati, Kida e Semi Jaupi.

LEXONI GJITHASHTU: 

• VIDEO/Ku do qëndrojë Rita Ora gjatë koncertit në Tiranë, këngëtarët pjesëmarrës
• “Do mbështes vajzat”, Luana Vjollca për Euronews Albania para nisjes së koncertit