Koncesioni i Sterilizimit, ish-ministri Ilir Beqaj paraqitet në SPAK

Ish-ministri i Shëndetësisë, Ilir Beqaj, është paraqitur në SPAK gjatë ditës së sotme, në bazë të masës së vendosur nga GJKKO ndaj tij për akuzën e shpërdorimit të detyrës.

Beqaj paraqitet çdo të premte në SPAK për të dëshmuar mbi akuzat për koncesionin e Sterilizimit.

Kujtojmë se pak kohë më parë, GJKKO la në fuqi masën e sigurimit “Detyrim paraqitje” dhe “Ndalimi i daljes jashtë shtetit” për ish-ministrin Beqaj.

Beqaj dyshohet të ketë kryer “shpërdorim të detyrës në bashkëpunim” gjatë procedurave të dhënies me koncesion 100 milionë dollarë për 10 vjet nga ministria e Shëndetësisë, që ai drejtonte, të shërbimeve të integruara për sterilizimet kirurgjikale spitalore.

Nga ana tjetër Beqaj ka hedhur poshtë akuzat, por nënvizoi që do të vendoset në dispozicion të drejtësisë që të zbardhet e vërteta.

LEXONI GJITHASHTU:

Ilir Beqaj del nga SPAK pas 9 orësh: Do më kthehen sendet e sekuestruara

“Sterilizimi”, Beqaj: I hapur të zbatojë kërkesat e drejtësisë, s’kam raport të KLSH