Kondili habit KLP-në: Nëse zgjidhem drejtues, s’do i lë dosjet që kam nën hetim

Edvin Kondili, një nga 3 kandidatët për kreun e SPAK, u shpreh në Këshillin e Lartë të Prokurorisë se edhe nëse zgjidhjet si drejtues i kësaj strukture, nuk do të lërë çështjet që ka nën hetim.

“Ndodh që Këshilli i Lartë i Prokurorisë mua të më përzgjedhë për drejtues. Unë me shumë pastërti kërkoj nga ana juaj që nesër të verifikohet nëse unë do të lë ndonjë nga ato çështje. Do përpiqem të punoj edhe më shumë sesa mund të jem duke punuar deri tani, pavarësisht orareve të gjata”, u shpreh Kondili.

Në garë për kreun e SPAK janë Adnan Xholi, Altin Dumani dhe Edvin Kondili, ku drejtues do të zgjidhet sot një prej tyre.

I pari që u intervistua nga KLP-ja ishte Adnan Xholi, i cili tha se ai do të çojë para drejtësisë zyrtarë jo mbi bazën e opinioneve, por mbi bazën e fakteve.

E në të njëjtën linjë ishte dhe prokurori Altin Dumani, i cili tha se në punën e tij nuk kanë shumë rëndësi emrat, por faktet.

LEXONI GJITHASHTU:

• Zgjedhja e kreut të SPAK, ambasadorja Kim mbërrin në KLP
• Çështja Jan Prenga, SPAK dërgon për gjykim pronarin e kompleksit në Shijak
• Lëvizjet në Polici, Muhamet Rrumbullaku takim me shefat në Drejtorinë e Tiranës