Konflikt mes vëllezërve në Klos, arrestohet 38-vjeçari, policia i gjen një pistoletë

Një ngjarje e rëndë është parandaluar në qytetin e Klosit, ku përshkallëzimi i mëtejshëm i një konflikti në familje mes dy vëllezërve, mund të kishte pasoja të rënda për jetën.

Policia arrestoi në flagrancë shtetasin Rufat Tusha,  për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Për motive të dobëta, ai u konfliktua verbalisht me vëllanë e tij,  ndërhyrja që ndërhyrja e policisë shmangu përshkallëzimin e konfliktit.

Në banesën e 38-vjeçarit, shërbimet e policisë gjetën dhe  sekuestruan në cilësinë e provës materiale një armë zjarri.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

“Menjëherë pas njoftimit të marrë se në fshatin Gurrë e Vogël,  për motive të dobëta, po konfliktoheshin verbalisht dy vëllezër, shërbimet e policisë shkuan menjëherë në adresë dhe si rezultat i ndërhyrjes së menjëhershme,  u bë i mundur parandalimi i mëtejshëm i këtij konflikti, si dhe arrestimi i shtetasit R.T., 38 vjeç, banues në fshatin Gurrë e Vogël, Klos.

Gjatë kontrollit të banesës së 38-vjeçarit, iu gjet e fshehur dhe iu sekuestrua në cilësinë e provës materiale, 1 armë zjarri pistoletë  me municion luftarak”, thuhet në njoftimin e policisë.

LEXONI GJITHASHTU:

• 29-vjeçarja në Vlorë dhunohet nga babai, vëllai dhe i fejuari
• EMRI| Në kërkim për vrasjen e kryer në Spanjë, arrestohet në Durrës 49-vjeçari