14 persona janë proceduar penalisht pasi janë konfliktuar me njëri-tjetrin në ndeshjen  e ditës së djeshme në stadiumin “Air Albania”, mes Tirana – Beshiktash.

Policia bën me dije se janë proceduar tifozët e këtyre skuadrave,  konkretisht -T. K., 30 vjeç, H. A., 30 vjeç, Y. T., 26 vjeç, F. K., 25 vjeç, V. A., 25 vjeç, T. K., 25 vjeç, A. A., 34 vjeç, O. S., 25 vjeç, A. U., 27 vjeç, S. O., 28 vjeç, të gjithë banues në Turqi, C. K., 37 vjeç, banues në Gjermani, I. P., 22 vjeç, si dhe për dy shtetas të mitur 17 vjeç, të tre banues në Tiranë.

Këta shtetas, ditën e djeshme, pas përfundimit të ndeshjes Tirana – Beshiktash, janë konfliktuar me njëri-tjetrin, në rrugën “Abdi Toptani”. Gjatë konfliktit mes këtyre shtetasve, kanë mbetur të dëmtuar lehtë shtetasit T. A., 28 vjeç, dhe V. M., 47 vjeç.

Gjithashtu, gjatë konfliktit ndërmjet tyre, është dëmtuar 1 automjet i parkuar në parkingun e një hoteli.

Në cilësinë e provës materiale janë sekuestruar sende të forta të përdorura gjatë konfliktit dhe lëndë piroteknike.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

LEXONI GJITHASHTU: 

• “S’ka moral”- Gjukanoviç kundër Abazoviç: Origjina shqiptare, e vetmja e mirë që ka
• EMRI| Shpërndante kanabis për pushesit në Sarandë, arrestohet i riu nga Tirana