Konflikti nisi 3 ditë më parë, detaje nga ngjarja e rëndë me 2 viktima në Kavajë

Konflikti mes Armand Gosës dhe Sali Rexhës, dy personave që mbetën viktimë pasditen e kësaj të mërkure në Kavajë, ka nisur 3 ditë më parë.

Gazetarja e Euronews Albania, Kloida Gjuzi raportoi se ata u takuan sërish sot për t’u sqaruar, por fillimisht nisi konflikti verbal që më pas çoi në përdorimin e armës dhe thikës.

Pasi kanë ecur për disa hapa në zonën e kryqëzimit të valutave, Gosa ka qëlluar me thikë Rexhën dhe ky i fundit e ka qëlluar me armë.

Armand Gosa njihej si një konsumues i alkoolit dhe  ka pasur edhe më parë konflikte me persona të tjerë.

Armand Gosa dhe Sali Rexha i kanë ndërruar emrat në gjendjen civile, pasi i kishin Edmond dhe Altin.

“Në fakt, konflikti ka nisur 3 ditë më parë, referuar informacioneve paraprake nga burimet zyrtare nga blutë e Kavajës. Ka nisur një konflikt 3 ditë më parë midis dy shtetasve, Edmond Gosës dhe Altin Rexhës, i cili e kishte emrin e ndryshuar në Sali Rexha. Sot u takuan sërish në këtë zonë, te kryqëzimi i valutës pranë stadiumit të Kavajës. Edmond Gosa, referuar informacioneve që marrim nga vendi i ngjarjes, është një person që njihet në këtë zonë si konsumues i alkoolit.

Ka pasur jo pak raste kur është konfliktuar me persona të tjerë nën efektin e alkoolit. E tillë ka qenë edhe skena gjatë pasdites së sotme. Kanë qenë pikërisht ngacmimet që Edmond Gosa ka bërë kundrejt Sali Rexhës, kanë sjellë precipitimin e konfliktit, deri në përdorimin e armëve. Fillimisht, pasi ka ecur për disa hapa në këtë zonë, Edmond Gosa ka qëlluar me thikë Sali Rexhën. Por plagët që kanë marrë secili prej tyre, i kanë marrë jetën të dyve”, raportoi gazetarja Gjuzi.

LEXONI GJITHASHTU

• Ngjarja e rëndë me 2 viktima në Kavajë, policia jep informacion zyrtar
• EMRAT| Kush janë dy viktimat e ngjarjes së rëndë në Kavajë
• Përplasje me armë dhe thikë në Kavajë, 2 viktima