Konflikti pranë zyrës elektorale, reagon PSD e Tom Doshit

Partia Socialdemokrate ka reaguar lidhur me konfliktin e ndodhur sot pranë zyrës elektorale të kësaj partie ku për pasojë u dëmtuan fasadat dhe xhamat e zyrës.

PSD bën me dije se konflikti nuk ka asnjë lidhje me aktivitetin e kësj partie.

“Partia Socialdemokrate sqaron opinionin publik se ngjarja e ndodhur këtë mesditë në rrugën “Ali Demi”, nuk ka asnjë lidhje me zyrën tonë elektorale apo me aktivitetin e Partisë Socialdemokrate.

Vendi ku ka ndodhur incidenti ndodhet pranë ambienteve tona, por asnjë nga anëtarët apo simpatizantët tanë nuk ka qenë i përfshirë në konfliktin në fjalë. Dënojmë çdo akt dhune dhe presim që organet kompetente të sqarojnë plotësisht rrethanat e ngjarjes”, thuhet në reagimin e PSD.

Ngjarja ndodhi rreth orës 14:00 pranë zyrës së PSD në zonën e Ali Demit.

Lidhur me këtë ngjarje janë shpallur në kërkim dy persona babë e bir. Mësohet se bëhet fjalë për shtetasin Arjan Telhallari dhe djalin e tij.

I biri mësohet se ka pasur një konflikt me persona që qëndrojnë pranë kësaj zyre elektorale dhe ka njoftuar të atin lidhur me këtë konflikt.

LEXONI GJITHASHTU:

• EMRI| Konflikti në zyrën e Tom Doshit, shpallen në kërkim babë e bir
• Thyen xhamat e Zyrës së Tom Doshit në Tiranë, gjenden dy plumba