Kongresi në SHBA miraton ndihmën prej 60.8 miliardë dollarësh për Ukrainën

Dhoma e Përfaqësuesve e SHBA-së ka miratuar dërgimin e 60.8 miliardë dollarëve (49 miliardë £) ndihmë të huaj për Ukrainën.

Sipas mediave të huaja, demokratët dhe republikanët u bashkuan së bashku pas muajsh bllokimi mbi mbështetjen e ripërtërirë amerikane për të ndihmuar Ukrainën të shmangë pushtimin rus.

Presidenti ukrainas Volodymyr Zelenskyy shkroi në Twitter duke thënë se ishte “mirënjohës” për vendimin, i cili tha se “e mban historinë në rrugën e duhur”.

“Demokracia dhe liria do të kenë gjithmonë rëndësi globale dhe kurrë nuk do të dështojnë për sa kohë që Amerika ndihmon për ta mbrojtur atë”, tha ai.

“Ligji jetësor i ndihmës i SHBA-së i miratuar sot nga Dhoma e Përfaqësuesve do të pengojë zgjerimin e luftës, do të shpëtojë mijëra e mijëra jetë dhe do të ndihmojë të dy kombet tona të bëhen më të fortë”, tha më tej Zelensky.

Presidenti i SHBA Joe Biden kërkoi për herë të parë financimin në tetor, pasi furnizimet ushtarake të Ukrainës filluan të pakësohen.

Në shkurt, Zelenskyy i kërkoi Kongresit të miratonte fondet, duke thënë se nëse nuk ndodh “do të më lërë të pyes veten në çfarë bote po jetojmë”.

Përfaqësuesit miratuan gjithashtu një projekt-ligj që ofron ndihmë sigurie për Tajvanin dhe aleatët e tjerë në Indo-Paqësor, si dhe një projekt-ligj që përmban disa propozime të politikës së jashtme, duke përfshirë një kërcënim për ndalimin e aplikacionit të mediave sociale në pronësi kineze, TikTok .

Dhoma e Përfaqësuesve do të votojë një projekt-ligj tjetër për dërgimin e parave në Izrael.

Pasi të miratohet, paketa do të shkojë në Senatin amerikan, ku ka të ngjarë të kalojë të martën. Zoti Biden më pas ka premtuar se do ta nënshkruajë atë menjëherë.

LEXONI GJITHASHTU:

• Kongres, paketa e ndihmës Ukrainë-Izrael drejt një votimi të shtunën
• Alarmi i CIA-s: Dërgoni armë, ose Ukraina humbet! Sa kohë i duhet Putin të triumfojë