Konsulentja e turizmit: Hotelet të mira, por shërbimi jo në lartësinë e çmimit

Trajneria dhe konsulentja e turizmit, Gladiola Dona thotë se strukturat hoteliere në vend janë të mira, por shërbimi nuk është në lartësinë e çmimit me të cilën ofrohet.

Në një intervistë për “Euronews Albania”, Dona u shpreh se çmimi duhet mbështetur në argumenta dhe shërbim.

Sipas saj, nuk mund të rrisësh çmimin, pa rritur shërbimin dhe vlerën e asaj që konsumatori merr kundrejt asaj që shpenzon.

“Çmimet kanë shkuar deri në 350 euro nata. Unë nuk jam për çmime të lira, por nga ana tjetër duhet parë nëse këto çmime justifikohen, pra nëse vërtetë ka shërbim që e mbështesin këtë çmim, gjë që dyshoj.

Shqipëria është një vend i vogël dhe nuk mendoj që ka shumë vend për turistë mesatar apo të ulët të shpenzimit. Strukturat hoteliere janë shumë të mira, hotelet janë të mira, por ajo çka brenda ofrohet në hotele nuk ka arritur akoma atë lartësi çmimi që ka ofruar tregu”, theksoi ajo.

LEXONI GJITHASHTU

• Vlora e boshatisur në mes të sezonit turistik, shkak çmimet e larta

• 9 qendra shëndetësore për sezonin turistik në Vlorë, mungojnë vrojtuesit

• Sezoni turistik godet euron, monedha europiane kap vlerat më të ulëta historike