Konsumi i lëndëve narkotike, mjekja: Japin varësi dhe probleme të shëndetit mendor

Përdorimi i lëndëve narkotike nga moshat e reja po vjen në rritje. Një studim i fundit i realizuar nga Agjencia Evropiane e Drogës, ka nxjerr në pah se në vendet e Ballkanit Perëndimor kanabisi është lënda më e përdorur nga të rinjtë përgjatë vitit 2024.

I njëjti raport tregon se 42% e të anketuarve nga Shqipëria, Bosnja Hercegovina, Kosova, Mali i Zi, Maqedonia e Veriut dhe Serbia konsumojnë kanabis, 22% përdorin medikamente antidepresivë dhe 21% kokainë. Mjekët toksikolog thonë se pasojat e konsumit të lëndëve narkotike janë serioze.

 “Adoleshentët janë të prirur të bien pre e konsumit të lëndëve narkotike si pasojë e shoqërisë apo kuriozitetit, ndaj mjekët kërkojnë nga prindërit që të jenë vigjilent. Studimi i agjencisë evropiane të drogës tregon se 3% e të anketuarve, kishin marrë trajtim për të ndaluar përdorimin e ndonjë substance narkotike”,është shprehur toksikologia Matilda Kambo.

Mjekët thonë se ndihma në kohën e duhur do t’i shpëtonte  të rinjtë nga varësia.