Kontrabandonin municione nga Serbia drejt Kosovës, arrestohen 2 persona në Prizren

Policia e Kosovës ka arrestuar në Prizren dy persona të dyshuar për kontrabandim me armë.

Sipas policisë të dyshuarit më 25 dhjetor janë ndaluar duke kontrabanduar municion nga Serbia në Kosovë.

Gjatë kontrolleve në mjetin me të cilin dy personat po udhëtonin janë gjetur 13 368 fishekë.

“Janë arrestuar dy të dyshuar meshkuj, pasi që, të njëjtin janë hasur duke kontrabanduar municion nga Serbia në Kosovë në poligonet e armëve. Gjatë kontrollit në automjetin e të dyshuarit dhe në një poligon janë gjetur dhe sekuestruar 13368 fishekë me gas cal.9×19”, thuhet në njoftimin e policisë.

Tutje thuhet se me vendim të prokurorit pas intervistimit të dyshuarit janë dërguar në mbajtje.

LEXONI GJITHASHTU:

• Policia e Kosovës gjen armatime dhe uniforma ushtarake në veri
• Shefi i EULEX-it: Banjska ka dëshmuar brishtësinë e veriut të Kosovës