Kontroll ndërtesave pas tërmetit, procesi do kushtojë 8 milionë euro

Ndërtimet e bëra në mënyrë informale pas vitit 1990, shkollat, konviktet, spitalet, digat e minierat do të vlerësohen për sigurinë e tyre ndaj tërmeteve të fortë.

Kontrolli do të bëhet në 5 vitet e ardhshme dhe do të kushtojë 8 milionë euro.

Shqipëria cenohet nga një sërë fatkeqësish natyrore, por përmbytjet dhe tërmetet shkaktojnë mbi 50% të dëmeve në ndërtesa, sipas vlerësimeve të 40 viteve të fundit.

Komisioni do të listojë në një regjistër ndërtesat informale që janë ngritur pa marrë parasysh risqet e katastrofave. Po ashtu, do të bëhet vlerësim i sigurisë sizmike të shkollave, konvikteve, spitaleve dhe objekte të trashëgimisë historiko-kulturore.

Së treti do të shihet edhe struktura e digave mbi 20-vjeçare, të cilat mund të jetë cenuara nga tërmeti i vitit 2019 dhe minierat e parehabilituara.

Autoritetet do të përditësojnë edhe hartën sizmike, që mund të reflektojë edhe ndryshime në projektet e ndërtesave.

LEXONI GJITHASHTU:

• Banorët kundër prishjes së pallatit të dëmtuar nga tërmeti: S’ka dëme në strukturë
• Restaurohet kulla në Durrës, ndërtesa antike u shemb gjatë tërmetit
• Shkolla e dëmtuar nga tërmeti, nxënësit në Peqin ecin 4 km për të bërë mësim