Kontrolle në burgjet Durrës, Peqin e Reç, gjenden dhe sekuestrohen celularë e USB

Këtë të enjte janë kryer kontrolle në burgun e Durrësit, Peqinit dhe Reçit. Drejtoria e Përgjithshme e Burgjeve ka bërë me dije se kontrolle u kryen në ambientet e brendshme të godinës “A” të burgut të Durrësit, në dhomën ku banojnë të paraburgosurit G. A., N. B., E. C. dhe M. Ç.

Gjatë kontrollit është gjetur një iPhone, ngjyrë e zezë, poshtë jastëkut të të paraburgosurit me inicialet E. C., i cili ka pranuar se është i tij. Po në godinën “A” gjatë kontrollit janë gjetur dy USB.

Nga kontrollet në burgun e Shkodrës është sekuestruar 1 “iPhone”, së bashku me një karikues. Gjithashtu, në ambientet e përbashkëta janë gjetur edhe 2 aparate celularë të tjerë të tipit “iPhone”. Materialet procedurale i janë referuar Agjencisë për vijimin e veprimeve të mëtejshme procedurale.