Kontrolli i kancerit tek gratë, raporti i MSH: Bie numri i depistimeve në 2023

Depistimi për kancerin e gjirit dhe atë të qafës së mitrës duket se nuk ka qenë prioritet i grave në 2023.

Sipas të dhënave të raportit të monitorimit të Ministrisë së Shëndetësisë për periudhën janar- gusht 2023 numri i grave të depistuara për kancerin e qafës së mitrës ka rënë me 32% krahasuar me të njëjtën periudhë të vitit 2022.

Konkretisht, për periudhën janar-gusht 2023 janë kryer 7 029 depistime përkundrejt 10 400 depistimeve të kryera në 2022.

Përkeqësim në numrin e depistimeve pati edhe për kancerin e gjirit.

Rënia e numrit të tyre është 43% kundrejt të njëjtës periudhë të vitit 2022.

Në periudhën janar-gusht 2022 kanë kryer 5 423 kontrolle për kancerin e gjirit, ndërsa në të njëjtën periudhë të 2023 janë realizuar 3 090 kontrolle.

Depistimet e shënuan rënien më të madhe  në 2020 përgjatë pandemisë së COVID-19 për shkak të kufizimeve dhe frikës për infektime. Tendenca e rënies së kontrolleve në pandemi ishte globale. Studiuesit paralajmëruan se si rezultat i vonesës në diagnostikimin e hershëm, numri vdekjeve do të arrijë pikun 1-2 vitet e ardhshme.

Sipas ekspertëve të shëndetësisë rënia e depistimeve e shoqëruar me plakjen e popullsisë pritet të rrisë rastet me kancer në 10 vitet e ardhshme.

LEXONI GJITHASHTU:

• Zonja e parë, Begaj apel vajzave dhe grave për diagnostikimin e kancerit të gjirit
• Kanceri i mushkërive, mjeku bullgar: Shqipëria ka mungesë të medikamenteve inovative