Korçë| Angazhoi një person për shitje kokaine, pranga 24 vjeçarit e bashkëpunëtorit

Policia e Korçës ka arrestuar këtë të premte dy persona pasi një prej tyre, i cili ishte me masë sigurie “arrest shtëpie”, kishte angazhuar një shtetas për të shitur doza kokaine.

Gjatë operacionit u arrestuan në flagrancë shtetasit P. Sh., 60 vjeç dhe M. K., 24 vjeç.

24-vjeçari, aktualisht me masë sigurie “Arrest në shtëpi”, u kap jashtë banesës, në cenim të kësaj mase sigurie.

Nga hetimet dyshohet se ai kishte angazhuar shtetasin P. Sh., për të shitur doza Kokaine.

60-vjeçari e kryente këtë veprimtari kriminale, në këmbim të një pjese të fitimeve të siguruara nga shitjet e dozave.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Skrapar| Sekuestrohen 6.4 kg kanabis dhe armë zjarri, arrestohet 33-vjeçari
• Itali/ Sekuestrohet kokainë në vlerë 15 mln euro në varreza, arrestohen 3 shqiptarë