Korrupsioni me tenderat e MSH, Apeli i GJKKO lë në qeli inxhinierin Silvi Shehu

Gjykata e Apelit për Korrupsionin dhe Krimin e Organizuar lë në fuqi masën e arrestit në burg për Silvi Shehun, inxhinierin e kompanisë së Vladimir Topit, të cilët u arrestuan se korruptuan sekretaren e ministrisë së Shëndetësisë, Joana Duron.

Kujtojmë se vetëm tri ditë pas arrestimit, Shkalla e Parë liroi pronarin e tij, që i dha paratë Shehut për t’ia çuar sekretares Duro, për shkak të moshës 73-vjeçare.

Në burg për aferën me tenderat ndodhen ende Joana Duro dhe specialistja e lartë e shërbimeve publike, Laureta Shteto.

Pikërisht kjo e fundit, sipas SPAK, është personi që kishte marrë zarfin me 330 mijë lekë, të cilat u dhanë si ryshfet për tenderin e supervizimit të 16 qendrave shëndetësore në Tiranë dhe Durrës, i fituar nga kompania “Dricons” e Vladimir Topit.

LEXONI GJITHASHTU: 

• Vendosën eksplozivë në garazhin e një qytetari, shpallen në kërkim autorët
• Eksperti: 35% e benzinës në Amerikë prodhohet nga misri