Kosova ashpërson masat kundër COVID-19

Kosova ka vendosur masa të reja kundër COVID të premten, për shkak të shtimit të rasteve të reja.

Masat do të jenë në fuqi nga sot, 22 janar deri më 4 shkurt.

Qytetarëve në Kosovë u ndalohet qarkullimi nga ora 22:00 e deri në 05:00 të mëngjesit.

Gastronomia do të punojë deri në orën 21:00, ndërsa muzika lejohet deri në orën 20:30.

Ndalohet hyrja pa maskë në mjetet e transportit publik, i cili do të funksionojë me vetëm 50% të kapacitetit të ulëseve.

Taksitë lejohet të udhëtojnë vetëm me 2 udhëtarë.

Masat janë shtrënguar edhe për personat që udhëtojnë në Kosovë.

Personat që duan të hynë në Kosovë nga data 22 janar duhet të kenë certifikatën e vaksinimit me 3 doza (ose me një dozë të Johnson&Johnson dhe dozë përforcuese).

Certifikatën e vaksinimit me 2 doza (ose me një dozë të Johnson&Johnson), bashkë me testin RT-PCR negativ, të kryer në 48 orët e fundit.