“Kosova është Shqipëri”, AEK dënon veprimin e tifozëve në ndeshjen ndaj Ajax

AEK ka dënuar veprimin e tifozëve në ndeshjen ndaj Ajax ku është shpalosur një parullë ku lexohej ‘Kosova është Shqipëri’.

Skuadra greke ka bërë me dije se do merrem masa ndaj tifozëve përgjegjës duke i përjashtuar përgjithmonë nga stadiumi.

“AEK dënon pa mëdyshje daljen, qoftë edhe për pak sekonda, të një pankarte me përmbajtje ekstreme nacionaliste në stadiumin tonë, e cila nuk ka të bëjë absolutisht me origjinën historike të shoqatës sonë, as sigurisht me atë që ajo përfaqëson që nga themelimi i saj. AEK-u nuk ka nevojë të provojë asgjë me fjalë, pasi e ka bërë me vepra në mënyra të padiskutueshme dhe me nisma që asnjë grup tjetër nuk ka marrë, kundër luftës. Për ngjarjen konkrete trishtuese dhe indinjuese, AEK deklaron se nuk do të qëndrojë kështu. Tashmë po nisim aksionet për caktimin e përgjegjësive edhe për një imazh momental – e përsërisim – që me të drejtë trazoi masën e madhe të botës sonë sportdashëse, e cila gjithashtu e ka kundërshtuar ashpër. Do t’i gjejmë patjetër përgjegjësit dhe do t’u ndalohet përgjithmonë hyrja në stadiumin tonë”, thuhet në deklaratën e klubit.

LEXONI GJITHASHTU:

• 1 i vdekur pas trazirave mes tifozëve, shtyhet ndeshja AEK-Dinamo Zagreb
• Përleshje mes tifozëve të AEK e Dinamo Zagrebit në Athinë, 1 i vrarë, 8 të plagosur