Kosova merr fitoren e dytë, serbët vijojnë provokimet në ndeshje

Edon Zhegrova është rikthyer me gol te përfaqësuesja e Kosovës duke dhuruar një paraqitje tejet pozitive, me dardanët të cilët rrëmbejnë fitoren e dytë në grup në Ligën e Kombeve. Përballja ndaj Lithuanisë ishte tejet e luftuar nga të besuarit e Franco Fodas duke bërë autokritikë për paraqitjet e mëparshme, si dhe iu përgjigjur më së miri kritikave.

Goli i parë erdhi nga Edon Zhegrova në minutën e 20’, ndërsa Krasniqi do të dyfishonte në fraksionin e dytë. Lituanezët reaguan me Golubickas, për të vulosur shifrat 1-2. Fitore të shtunën regjistruan dhe Portugalia, Spanja, Kroacia e Serbia, me këta të fundit që mposhtën Zvicrën në shtëpi.

Kampionët në fuqi të Evropës mposhtën minimalisht Danimarkën, ndërsa mjaftoi një gol i Zubimendin. Cr7 është padiskutim lojtari më në formë i luzitanëve, duke shënuar një tjetër gol me fanellën e Portugalisë, në duelin me Poloninë në transfertë. Skuadra e tij triumfoi në shifrat 1-3, ndërsa dy golat e tjerë erdhën nga Silva e një autogol i Bednarek, për polakët Zielinski.

Sfida mes Zvicrës e Serbisë u shoqërua sërish me tensione ku tifozët vendës vijuan provokimet ndaj shqiptarëve. Flamuri i Serbisë me trojet shqiptare të përfshira në të ishte sërish në shkallët e stadiumit, ndërsa ndërhyrja e policisë bëri që të qetësohej situata. Përballja i fitua nga serbët 2-0.