Humbja me Rumaninë apo dhe problemet e tjera kanë mbetur pas, Kosova ka rrëmbyer 3 pikët e para në Ligën e Kombeve. Dardanët mposhtën me poker golash Qipron, duke u renditur përkohësisht në vendi ne dytë në grup. Bomberi Vedat Muriqi realizoi dopietë në fraksionin e parë, ndërsa në të dytin Rrahmani e Dellova vulosën fitoren 4-0. Në stadiumin qipriot nuk munguan as provokimet nga disa tifozë që më pas u nxorrën jashtë, ku shkruanin Kosova është Serbi, Qipro është Greqi.
Fitorja e dardanëve vjen pas skandalit me 3 futbollistët e përjashtuar, të cilët disfatën e parë ndaj Rumanisë e panë si diçka krej normale duke festuar në klubet e Prishtinës.
Pas skandalit trajneri Foda përjashtoi futbollistët Muriç, Zhegrova dhe Muslija.
Në të njëjtin grup, Rumania likujdoi Lituaninë, duke siguruar 6 pikë në 2 sfidat e para. Në ligën A, aty ku luajnë kombëtaret e mëdha të futbollit evropian, fitore regjistruan Franca dhe Italia. Me Mbappe në stol gjelat nuk hasën shumë vështirësi ndaj Belgjikës, duke i shënuar 2 herë me Kolo Muani e Dembele. Ylli i Realit u bë pjesë e ndeshjes në fraksionin e dytë të lojës, të cilën gjelat e fituan me rezultat të pastër.
Italia mori një tjetër rezultat pozitiv, këtë herë ndaj Izraelit në transfertë. Në Budapest, Fratessi e Kean ishin heronjtë “axurrë”, me Abu Fani që shënoi për Izraelin në fundin e ndeshjes, gol që vlejti vetëm për statistikë. Italianët kanë marrë 2 fitore në 2 sfidat e para.
LEXONI GJITHASHTU:
- Përjashtoi 3 futbollistë nga ekipi, Kosova synon tre pikët e para përballë Qipros
- Suarez tërhiqet nga kombëtarja, golashënuesi më i mirë në histori për ekipin
- Merkatoja e kuqezinjve, pas Brojës edhe Seferi e Bajrami ndryshojnë ekip
